అణువులోనిరూపం

  అన్నమయ్య చాలా సంకీర్తనలలో, విష్ణువును,   “పరమాత్మ “అనే  పిలుపుతో, సంభోదించారు . అంటే , విష్ణు తత్వముగల పరబ్రహ్మ తత్వమే,  పరమాత్మలోనూ  వున్నదని అర్ధము గదా!
ఇంకొన్ని పాటలలో, నారాయణుడే పరమాత్ముడని,  నారాయణుడే హరియని,  సంభోధించారు. కాబట్టి, ఏ పరంజ్యోతి, విష్ణువులో నున్నదో, అదే పరంజ్యోతి  మరిఅంతరిక్షమంతా వ్యాపించున్న, ఆ పరమాత్మలోనూ  వున్నదని అర్ధము.   ఎక్కడెక్కడ? , ఏవిధముగా? వున్నది ? అనే ప్రశ్నకు, జవాబు, అన్నమయ్య పాడిన ఈ క్రింది సంకీర్తనలోనున్నది.

(   సంకెర్తన 432, సంపుటం 2 ).......

                 “   అణు రేణు పరిపూర్ణమైన రూపం,  ఆది అంత్యము లేని ఆరూపం.
   “   కాలపు సూర్య చంద్రాగ్ని గల రూపం, మేలిమి  వైకుంఠాన  మెరిసిన  రూపం “
     “   ముంచిన బ్రహ్మాదులకు మూలమైన రూపం, మంచి పరబ్రహ్మమే మము ఏలిన రూపం . “

శ్రేష్ఠమైన  విష్ణు లోకమగు,  వైకుంఠంలో  మెరియుచున్న “పరంజ్యోతి “యే, విష్ణువు.   లోకములలోన ప్రతి అణువులో నున్నది అదే, సూర్య చంద్రులలో అగ్నిరూపంలోనున్నది అదే,  “ కాల రుద్రుని”లోని, అగ్నియూ నదే .
బ్రహ్మలను  పుట్టించు “ పరబ్రహ్మ “ లోనున్నదీ ఇదే.
ఏ వస్తువులోనైనా, ఏ జీవములోనైనా, ఒక రూపం తప్పక ఉంది. అది ఆ విష్ణు కాంతియే .

  ఒక స్తంభంలో  కూడా ఉంటుందని, ప్రహ్లాదుడు,  ఎప్పుడో , నిరూపించాడు.

“ ముంచిన బ్రహ్మలు “ =  లోకాలు గాని, గ్రహాలు గాని, నక్షత్రాలుగాని, మరి  యే  రకమైన ఆకాశ అస్తిత్వాలు  గానీ బలహీనమై స్థిరత్వాన్ని కోల్పోయినప్పుడు, కుంచించుకొని, క్షీణించి, దగ్గరలోనున్న బ్రహ్మ యొక్క ఆకర్షణ  క్షేత్రంలోకి పడి , బ్రహ్మలో ముంచబడుతాయి. ఈరకంగా, ఆకాశ అస్తిత్వాలను తనలోనికి   ముంచివేసి, దాచుకొనే  బ్రహ్మలను  ,“ ముంచిన బ్రహ్మలు “ అని , అన్నమయ్య  సెలవిచ్చ్చారు. అలాంటి  బ్రహ్మలకు కూడా మూలమైన పరబ్రహ్మ తేజస్సే , సర్వాంతర్యామిఅయ్,  ప్రతి అణు పరమాణువులోను, అదృశ్యంగా
ఉన్నది. అదే ,  “విష్ణు రూపం. “.

భూనభోంతరాళాలలో ప్రతి  అణుపరమాణువులో, అదృశ్యమై ,  నిండి ఉన్న ,  ఒక  పరిపూర్ణ రూపము  ,
సర్వ శక్తిమయ తేజోరూపము ..... “విష్ణు రూపం ” ..

                   అన్నమయ్య మాట