రోమకూపములు

 అన్నమయ్య  విష్ణుభక్తుడు. విష్ణు రూపమెరిగినవాడు. అందుకే, విష్ణువు  పరంజ్యోతి స్వరూపమని చెప్పారు.
     “ పరమాత్ముడవు నీవు , పరంజ్యోతి వి నీవే. “.   ( 4వ సంపుటం, 356పాట  )

రోమకూపములలో వున్నది ఈ పరంజ్యోతియే.  రోమములు అనగా వెంట్రుకలు. కానీ,  యీ  సందర్భంలో,  రోమములంటే , వెంట్రుకలంత సన్నని కాంతి  కిరణములు అని అర్ధము.  కూపములు =  బావులు.
రోమకూపములు =. “తేజో నిలయములు.” పరంజ్యోతి కిరణాలను వెదజల్లే బావులు.
అసంఖ్యాకమైన రోమకూపములు,  లోకమంతా  వ్యూహాత్మకంగా అమరియున్నవి.
ఈ తేజోనిలయములనుండి  వెదజల్లబడే   ప్రకాశకిరణముల వల్లనే , సమస్త బ్రహ్మాన్డములు  నిలిచి యున్నవి.  ఈ తేజస్సులో, పరంజ్యోతిలోని గుణాలైన ఓజస్, తేజస్, ద్యుతి, శక్తి  ఉంటాయి.వ్  


“పరంజ్యోతి “ యే పెక్కు”  రోమకూపముల” ద్వారా వెలికి వెదజల్లబడి అంతరిక్షంలోని అంతరాళాలో వ్యాపించి , అనేక  బ్రహ్మా న్డములను  భరించుచున్నది.  రోమకూపముల మధ్యలో గొందులు సందులు,  వున్నాయి.  ఆ గొందులలోనే, అనేక బ్రహ్మల  సహాయముతో, అసంఖ్యాకమైన బ్రహ్మామ్డాలు నిలిచిఉన్నాయి.     ఎంత పెద్ద ప్రపంచమో ,  ఎన్ని బ్రహ్హ్మలో, ఎన్ని రోమకూపములో, ఎంత అద్భుత అంతరిక్షమో !!!  ఈవిషయం , అన్నమయ్య చాలా సంకీర్తనలతో, ఎంతో  బాగుగా వివరించియున్నారు.

                 “  కుందని నీ రోమకూపములలో  గొం దుల బ్రహ్మాణ్డ కోట్లట , ( 3వ సంపుటం, 87 వ కీర్తన ).                  ఎందరు బ్రహ్మలో,  ఎంత  ప్రపంచంమొ ”
                    ఇన్నియూ ముగిసెను నీ లోననే .” 

“  పెక్కు బ్రహ్మామ్డాలు  నీ పెను రోమకూపముల   ( 3వ సంపుటం , 42 వ సంకీర్తన )
కిక్కిరిసున్నవి  అందొక కీతమనేను. “

ఇంత అద్భుత బ్రహ్మాణ్డాలలో , తను ఒక చిన్న పురుగులాంటి  వాడినని , ఎంత సూక్ష్మమైనది 
తన  అస్థిత్వమని  చెప్పుకుంటున్నారు. ఇది , 

               అన్నమయ్య మాట